Aðalfundar- og ársskýrsluvefur Einingar-Iðju

Félagsmenn þurfa að fara á Mínar síður Einingar-Iðju til að sækja um fyrir sumarvertíðina eða til að panta orlofseignir yfir veturinn. Þar inni er jafnframt gengið frá greiðslu. Í vefverslun þar inni er/verður einnig hægt að kaupa Veiðikortið og Útilegukortið.

Ferðir
Árið 2025 var boðið upp á tvær ferðir fyrir félagsmenn. 

• 24. júní var farið í árlega dagsferð eldri félagsmann.
• 21. og 22 ágúst var farið í ferð um Austurland.

Ferðanefnd félagsins ákvað á fundi árið 2024 að bjóða upp á utanlandsferð annað hvort ár og verður næsta utanlandsferð í boði á árinu 2026. Jafnframt var ákveðið að það ár sem ekki verður boðið upp á utanlandsferð að þá verði boðið upp á veglegri "Fjallaferð."

Leikhúsferð fyrir lífeyrisþega

Í mars bauð félagið félagsmönnum sem eru lífeyrisþegar á gamanleikinn Tom, Dick & Harry sem verið var að sýna í Freyvangsleikhúsinu. Tæplega 90 félagsmenn og makar þáðu boðið og skelltu sér á sýninguna sem var hin besta skemmtun. Að sýningu lokinn var boðið upp á glæsilegt kaffihlaðborð.

„Orlof að eigin vali“

268 styrkjum var úthlutað til félagsmanna á árinu 2025, hver að upphæð kr. 28.000. Sótt er um þennan styrk á sama hátt og tíma og þegar sótt er um orlofshús.

Orlofshús og orlofsíbúðir

Félagið á núna 23 orlofshús og átta orlofsíbúðir, auk þriggja sjúkraíbúða. Auk húsa og íbúða sem eru í eigu félagsins vorum við með orlofsbústaði víðsvegar um landið í skiptum fyrir orlofshús á Illugastöðum auk leigubústaða.

• Í janúar voru sex nýjar íbúðir teknar í notkun á Höfuðborgarsvæðinu, sjá nánar hér
• NÝTT - Dag- og helgarleigur í boði á Höfuðborgarsvæðinu, sjá nánar hér
• Nýtt - Rúmföt í boði á Höfuðborgarsvæðinu, sjá nánar hér
• Íbúð á Spáni - opið fyrir bókanir, sjá nánar hér

Tvö fyrirtækið hafa umsjón með íbúðum félagsins á höfuðborgarsvæðinu. Leigjandi þarf ekki að þrífa íbúðina eftir leigutíma, en auðvitað þarf að skila henni full frágenginni og snyrtilegri. Vert er að minnast á að um helmingur af leigutekjum félagsins af íbúðunum fer í greiðslur fyrir umsjón og þrif á þeim.

Félagsmenn þurfa sjálfir að þrífa orlofshús félagsins áður en þeim er skilað. Orlofshúsin eru sameign okkar allra og er nauðsynlegt að við sameinumst um að ganga um þau með því hugarfari. Mikilvægt er að hafa það að leiðarljósi að skilja við þau eins og þið viljið koma að þeim. Verði vanhöld á þrifum, að mati umsjónarmanns á viðkomandi svæði, má búast við að leigutaki þurfi að borga þrifagjald.

1.236 félagsmenn, 682 konur og 553 karlar, fengu einstaklingsstyrki úr sjóðunum á árinu 2025. Þetta er aukning um 34 félagsmenn frá árinu áður. Upphæðin sem greidd var hækkaði um tæpar 2 milljónir milli ára og var kr. 76.050.001.

Aðalbjörg G. Hauksdóttir veitir allar upplýsingar og er tengiliður við starfsmenntasjóðina þrjá sem félagið er aðili að, Landsmennt, Ríkismennt og Sveitamennt. Hún hefur einnig umsjón með félagslegri fræðslu. Tryggvi Jóhannsson sér um starfs- og tómstundanámskeið félagsins. Ef félagsmenn fá hugmynd af einhverskonar námskeiði þá má endilega heyra í honum Tryggva.

Skil á gögnum - Rafrænar umsóknir á Mínum síðum
Umsóknir og gögn þurfa að hafa borist til félagsins í síðasta lagi 24. hvers mánaðar til að viðkomandi félagsmaður fái borgað út um næstu mánaðamót. Sérstakur umsóknarfrestur er í febrúar og desember og er það auglýst sérstaklega.

Einfalt er að sækja um og skila gögnum í gegnum Mínar síður félagsins. Félagsmenn geta líka séð hve mikinn rétt þeir eiga til helstu styrkja, hversu mikið þeir eru búnir að fá frá félaginu og einnig hve mikinn rétt þeir eiga eftir.

Vert er að minna á samstarfssamning sem félagið er með við SÍMEY með það að markmiði að skapa enn fleiri möguleika fyrir félagsmenn til að sækja sér fræðslu og auka við starfstengda hæfni sína. SÍMEY sér einnig um dyravarðanámskeið sem félagið hafði séð um í áratugi.

SÍMEY býður upp á fjöldamörg námskeið sem eru bæði starfstengd og tengd áhugamálum hvers og eins. Áhugasamir geta kíkt á www.simey.is til að sjá framboð námskeiða.

Endurgreiðsluhlutfall fræðslustyrkja

• Landsmennt
• Ríkismennt
• Sveitamennt