Aðalfundar- og ársskýrsluvefur Einingar-Iðju

Helstu tölur ársins

Hér má sjá nokkrar tölur úr starfseminu á árinu á þægilegan hátt

m.kr.

rekstrarniðurstaða

m.kr

greiðslur til félagsmanna

félagsmenn

iðgjaldagreiðendur

hús og íbúðir

Lykiltölur

LYKILTÖLUR	2023	2022
TEKJUR
Félagsgjöld/iðgjöld	293.588.951	264.680.452
Sjúkrasjóðsgjöld	299.927.757	270.427.847
Orlofssjóðsgjöld	123.556.191	108.928.060
Húsaleiga	61.414.446	56.174.881
Aðrar tekjur	75.384.605	67.436.559
Samtals tekjur	853.871.950	767.647.799
Gjöld
Greiðslur til félagsmanna	275.845.260	230.085.997
Rekstur og viðhald fasteigna	114.614.748	91.857.884
Laun, rekstrarkostnaður og afskriftir	435.424.715	346.886.317
Samtals gjöld	825.884.723	668.830.198
Fjármagnsliðir	8.394.981	1.462.592
Hreinar tekjur til ráðstöfunar	36.382.208	100.280.193

Ýtið á myndina til að stækka hana

Ýmsar tölulegar upplýsingar

Helstu styrkir úr félagssjóði

Velferðarsjóðurinn í Eyjafirði kr. 1.200.000
Iðnaðarsafnið kr. 683.464
Minnisvarði á Siglufirði kr. 200.000
Karlakór Akureyrar-Geysir kr. 175.000
Hollvinir Húna kr. 100.000

Almenn starfsemi og þjónusta, fjöldi.

Starfsmenntastyrkir - 1.054
Styrkir úr sjúkrasjóði - 3.746 (1.784 félagar)
Orlofshús, leigur - 1.471
Orlof að eigin vali - 300
Orlofsferðir - 173
Leiksýning - 105
Samtals - 6.849

Sjúkrasjóður

	2023			2022
	Fjöldi		Upphæð	Fjöldi		Upphæð
Fjárveitingar úr sjúkrasjóði	félaga	styrkja		félaga	styrkja
Dagpeningar	169	597	204.866.781	215	556	176.709.061
Útfararstyrkir	14	14	3.150.000	14	14	3.430.000
Bætur samtals	183	611	208.016.781	229	570	180.139.061
*Styrkir til félagsmanna*
Sjúkraþjálfun og sjúkranudd	419	1.031	16.351.459	512	789	12.617.465
Krabbameinsskoðun	94	164	1.093.538	122	126	783.301
Líkamsrækt	670	1.095	19.337.867	804	893	13.460.711
Aðrir styrkir	418	845	21.360.188	461	565	14.502.257
Styrkir til sjóðsfélaga samtals	1.601	3.135	58.143.052	1.899	2.373	41.363.734
*Bætur og styrkir til félagsmanna úr sjúkrasjóði*	*1.784*	*3.746*	*266.159.833*	*2.128*	*2.943*	*221.502.795*

Greiðslur til félagsmanna

Fræðslumál

1.054 félagsmenn, 560 konur og 494 karlar, fengu einstaklingsstyrki úr sjóðunum á árinu 2023. Þetta er aukning um 23 félagsmenn frá árinu áður. Upphæðin sem greidd var hækkaði um tæpar 6 milljónir og var kr. 72.200.086.

*Hvaða námskeið eða nám er um að ræða?*		*Aldursdreifing styrkþega*		*Hverjir sóttu námskeiðin?*
Íslenska fyrir útlendinga	126	17-20 ára	145	Almenni markaðurinn	668
Tungumálanám	13	21-30 ára	507	Sveitarfélög	360
Framhaldsskóli	178	31-40 ára	230	Ríkið	26
Háskólanám	314	41-50 ára	99
Tómstundanám	79	51-60 ára	47
Starfstengt nám/námskeið	213	61-70 ára	26
Almenn ökuréttindi	77
Sjálfstyrkingarnámskeið	12
Náms- og kynnisferðir	2
Annað	40

Aðalbjörg G. Hauksdóttir veitir allar upplýsingar og er tengiliður við starfsmenntasjóðina þrjá sem félagið er aðili að, Landsmennt, Ríkismennt og Sveitamennt. Hún hefur einnig umsjón með félagslegri fræðslu. Tryggvi Jóhannsson sér um starfs- og tómstundanámskeið félags-ins. Ef félagsmenn fá hugmynd af einhverskonar námskeiði þá má endilega heyra í honum Tryggva.

Skil á gögnum - Rafrænar umsóknir á Mínum síðum
Umsóknir og gögn þurfa að hafa borist til félagsins í síðasta lagi 24. hvers mánaðar til að viðkomandi félags-maður fái borgað út um næstu mánaðamót. Sérstakur umsóknarfrestur er í febrúar og desember og er það auglýst sérstaklega.

Einfalt er að sækja um og skila gögnum í gegnum Mínar síður félagsins. Félagsmenn geta líka séð hve mikinn rétt þeir eiga til helstu styrkja, hversu mikið þeir eru búnir að fá frá félaginu og einnig hve mikinn rétt þeir eiga eftir.

Vert er að minna á samstarfssamning sem félagið er með við SÍMEY með það að markmiði að skapa enn fleiri möguleika fyrir félagsmenn til að sækja sér fræðslu og auka við starfstengda hæfni sína. SÍMEY sér einnig um dyravarðanámskeið sem félagið hafði séð um í áratugi.

SÍMEY býður upp á fjöldamörg námskeið sem eru bæði starfstengd og tengd áhugamálum hvers og eins. Áhugasamir geta kíkt á www.simey.is til að sjá framboð námskeiða.

Endurgreiðsluhlutfall fræðslustyrkja

Orlofsmál

Félagsmenn þurfa að fara á Orlofsvef Einingar-Iðju til að sækja um fyrir sumarvertíðina eða til að panta orlofseignir yfir veturinn. Þar inni er jafnframt gengið frá greiðslu. Á orlofsvefnum er einnig hægt að kaupa ferðaávísun, Veiðikortið og Útilegukortið.

Ferðir
Árið 2023 var boðið upp á tvær ferðir fyrir félagsmenn.

Leikhúsferð fyrir lífeyrisþega

Í mars bauð félagið félagsmönnum sem eru lífeyrisþegar á gamanleikritið Beint í æð sem Leikfélag Fjallabyggðar sýndi í Tjarnarborg, menningarhúsi Fjallabyggðar. Að sýningu lokinni var boðið upp á glæsilegt kaffihlaðborð. Um 100 félagsmenn og makar þáðu boðið og skelltu sér í kaffi og með því og á skemmtilega leiksýningu.

„Orlof að eigin vali“

300 styrkjum var úthlutað til félagsmanna á árinu 2023, hver að upphæð kr. 26.000. Sótt er um þennan styrk á sama hátt og tíma og þegar sótt er um orlofshús.

Orlofshús og orlofsíbúðir

Félagið á núna 22 orlofshús og sex orlofsíbúðir, auk þriggja sjúkraíbúða. Nýjasta orlofshúsið bættist við í vetur þegar stórglæsilegt hús í Húsafelli í Borgarfirði bættist í hópinn. Auk húsa og íbúða sem eru í eigu félagsins vorum við með orlofsbústaði víðsvegar um landið í skiptum fyrir orlofshús á Illugastöðum auk leigubústaða.

Fyrirtækið Sólar ehf. hefur umsjón á íbúðum félagsins á höfuðborgarsvæðinu. Leigjandi þarf ekki að þrífa íbúðina eftir leigutíma, en auðvitað þarf að skila henni full frágenginni og snyrtilegri. Vert er að minnast á að um helmingur af leigutekjum félagsins af íbúðunum fer í greiðslur fyrir umsjón og þrif á þeim.

Félagsmenn þurfa sjálfir að þrífa orlofshús félagsins áður en þeim er skilað. Orlofshúsin eru sameign okkar allra og er nauðsynlegt að við sameinumst um að ganga um þau með því hugarfari. Mikilvægt er að hafa það að leiðarljósi að skilja við þau eins og þið viljið koma að þeim. Verði vanhöld á þrifum, að mati umsjónarmanns á viðkomandi svæði, má búast við að leigutaki þurfi að borga þrifagjald.